Градина од сказните во дворот на градинката „Мајски цвет"
- Детали
- Категорија: Карпош
- Создадено: 08 Јуни 2019
Во градинката „Мајски цвет" во Тафталиџе 2 денеска беше отворена првата Градина од сказните. Најмладите заедно со нивните наставници го уредија својот двор и ја разубавија околината, правејќи Градина од сказните и креативни катчиња кои се изработени од екоматеријали.
На настанот присуствуваа голем број деца, нивни родители и дел од воспитниот кадар од оваа предучилишна установа, а им се обрати градоначалникот на Карпош, Стефан Богоев. Тој ја поздрави иницијативата за разубавување на дворот и подигнување на свеста кај најмладите за заштита на природата.
– Горд сум што во Карпош има деца, воспитувачи, негувателки и родители кои сакаат да избегаат од секојдневното, тековното и да бидат креативни. Вие сте белег на современото и модерното – на европски Карпош. Од мали нозе да се создава, да се креираат работи е навистина значајно и вредно, рече Богоев на отворањето на Градината од сказните каде што беше организирана и куклена претстава.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
