1-ва Скопска - МТМ Телевизија

Во пресрет на Велигден во црквата Св. Петка во Кисела Вода се одржа хуманитарен базар во организација на Здружението на слепи лица Скопје и Општина Кисела Вода на кој рачните изработки на домаќинките експресно беа разпродадени.

По 4-ти пат годинава се одржа хуманитарен велигденски базар во организација на Здружението на слепи и лица со оштетен вид Скопје, а за прв пат годинава поддржан од Општина Кисела Вода. На базарот беа изложени за продажба велигденски погачи и јајца, колачи, пити изработени од рацете на домаќинките членови на здружението. Овогодинешниот базар се одржа во дворот на црквата Св. Петка, а од општина Кисела Вода истакнаа дека оваа манифестација ќе ја поддржуваат и во иднина, а за трите најдобри изработки од Општина Кисела Вода е обезбедена парична награда.

Средствата собрани од продажбата на рачните изработки ќе бидат наменети за членовите на Здружението на слепи и лица со оштетен вид кои се социјално загрозени. Овој базар од хуманитарен карактер досега се одржувал и во соработка со општините Ѓорче Петров, Аеродром и Гази Баба, а целта на манифестацијата е да се претстават лицата со оштетен вид дека и тие можат да приготвуваат разновидна храна.

Душанка Кентаровска е една од членките на Здружението која секоја година со разни производи кои таа самата ги прави учествува на базарот.