1-ва Скопска - МТМ Телевизија

Во организација на НВО „Зелен институт“ во Општина Кисела Вода се одржа јавна дебата на тема: План за комуникација и кампања против диво депонирање на отпад.

На дебатата присуствуваа граѓани, претставници од државни институции, како и членови од невладините организации и здруженија. Присутните  имаа можност пред градоначалникот Филип Темелковски да даваат предлози и идеи за изнаоѓање на решенија за проблемот со дивите депонии на територијата на општината.

Градоначалникот Темелковски информираше за тоа како општината се справува со дивите депонии, како и за мерките кои се преземаат за спречување на создавањето на депонии. Темелковски нагласи дека заедно со граѓаните, граѓанските здруженија и невладините организации општината ќе работи за изнаоѓање на решение за овој проблем. Градоначалникот Темелковски најави дека во Општина Кисела Вода на местата каде што постојат депонии ќе бидат засадат садници, а на почетокот на месец октомври на територијата на Општина Кисела Вода ќе се засадат 2000 садници.

Наташа Амдиу, претседател на НВО „Зелен институт“ нагласи дека нивната цел е да се мапираат повеќе диви депонии, да се дискутира со граѓаните и да се слушнат нивните предлози за изнаоѓање на решение на проблемот со дивите депонии.