Кино проекција за најмалите во Македонска Каменица
- Детали
- Категорија: Култура
- Создадено: 24 Септември 2018
Во организација на Културно-информативниот центар „Романса“ во Македонска Каменица се реализираше кино претстава за најмалите.
Целта на настанот според Горан Огнановски, раководителот на КИЦ „Романса“, е заживување на филмската уметност меѓу помладата популација.
- Откако пред некој ден го прикажавме македонскиот кандидат за Оскар, филмот „Исцелител“, решивме да организираме кино претстава и за најмалите. Филмот беше детски авантуристички жанр и беше наменет за ученици од петто одделение. Морам да изразам задоволство од посетеноста на настанот кој ни дава мотив да продолжиме со прикажување на слични филмски остварувања и во иднина, рече Огнановски.
Следните активности кои ги најавуваат од Културно инфотмативниот центар „Романса“ се во делот на театарската уметност. В четврток на репертоарот во киносалата во Македонска Каменица е комедијата „Вдовицата се мажи“, претстава во изведба на театарот „Јордан Хаџи Константинов - Џинот“ од Велес.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс