Изложба „Етно записи“ на Драги Хаџи Николов
- Детали
- Категорија: Култура
- Создадено: 12 Декември 2018
Изложбата насловена „Етно записи” на академскиот сликар Драги Хаџи Николов од Гевгелија, беше отворена во Домот на културата „Иван Мазов-Климе” во Кавадарци. Изложени се дваесетина дела изработени со масло на платно.
-Темата е етно мотиви, нешто на што работам во последните петнаесетина години, по што сум препознатлив, рече авторот, нагласувајќи дека во неговите дела ги реинкарнира на некој начин предметите од минатото, што и самиот ги поседува и ги слика.
Хаџи Николов изрази задоволство од соработката со кавадаречкиот културен дом, но и од тоа што се претставува во градот од кој потекнуваат значајните ликовни уметници како Мазев, Чемерски, Шемов и други. Тој потсети дека редовно учествува во ликовната колонија која ја организира Кавадарци.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс