Промоција на книгата „Разговори за нас" од Катерина Богоева
- Детали
- Категорија: Култура
- Создадено: 25 Март 2019
Книгата „Разговори за нас" од Катерина Богоева во издание на издавачката куќа „Блесок" ќе биде промовирана денеска во Скопје.
Книгата содржи избор од триесет интервјуа снимени и објавени во периодот од 2000 до 2017 година во две списанија и во еден дневен весник: „Глобус", „Премин" и „Утрински весник".
Промотори на книгата се Бојан Иванов и Емилија Петреска – Камењарова.
Катерина Богоева е родена 1965 година во Скопје. Таа е автор на монографијата „Современи македонски уметници ", коавтор на монографијата „Триесет години Факултет за ликовни уметности", како и на публикациите: „Крушево – хабитат за човекот", „Мечката во народното творештво" и „Голем град".
Добитничка е на наградата „18 Мај" – Меѓународен ден на музеите за музејски проект за 2009 година, во категоријата Надворешен музејски соработник на ИКОМ – Меѓународен совет на музеите, Македонски национален комитет.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс