Аудиција за играниот филм „Сестра" на Дина Дума
- Детали
- Категорија: Култура
- Создадено: 20 Април 2019
Кандидатите заинтересирани за улоги или статисти во играниот филм „Сестра" во режија на Дина Дума може да се пријават на отворената аудиција која ќе се одржува денеска и утре од 10 до 18 часот во просториите на „Вардар филм".
Продукциите „Круг филм" и „Лист продукција" соопштија дека филмот е приказна за соочување на две најдобри другарки тинејџерки со последиците од сопствените акции и е тест за нивното другарство.
– Ги повикуваме да дојдат сите кандидати заинтересирани за улогите во филмот, но и за статисти. Тие може да бидат на која било возраст или пол. Аудицијата ќе се состои од фотографирање и кратко видеопретставување, а ќе биде реализирана од кастинг-агенцијата „Гужва", соопштија продукциите на „Сестра", кој е финансиски поддржан од Агенцијата за филм.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс