Заврши уметничката колонија во Трпејца
- Детали
- Категорија: Култура
- Создадено: 07 Септември 2020
„Убава слики, убава дружба и многу инспирација“, „Трпејца е прекрасна“... Вакви се импресиите на учесниците на Третата уметничка колонија ТРПЕЈЦА 2020, која заврши во саботата.
Четири дена во подрачното училиште „Наум Охридски“ но и во неговата околина уметниците: Наташа Попоска – Карче, Хава Реџепи, Ристо Андреев, Горан Јованов и Ѓоко Симјаноски преку своите уметнички креации создадоа дела кои ќе останат забележани во трајната меморија на колонијата.
Колонијата во Трпејца и уметниците – колеги со своето присуство ги почести и познатиот уметник Владимир Темков кој 30 години организира колонија во Кавадарци,а беше на пропатување за Поградец – Албанија каде учествуваше на тамошната колонија.
Поддршка на Колонијата со по едно свое дело дадоа и уметниците: Ставре Димитров – Стадим и Живко Поповски – Цветин. Цвеќињата на мирот на Цветин ќе ги красат просториите на училиштата во Пештани и Трпејца.
Организаторот здружението „За Трпејца со љубов“ со поддршка на Општина Охрид најавува изложба на дела од колонијата – догодина на десеттото издание на манифестацијата „На зајдисонце“ во Трпејца.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс