Рекордна продажба на мемоарите на Барак Обама

Во првите 24 часа од продажбата, мемоарите на поранешниот американски претседател Барак Обама „Ветена земја“ беа продадени во речиси 890.000 примероци во САД и Канада.

Оваа книга, чија цена е 45 долари, е на пат да стане најпродаваната книга во категоријата претседателски мемоари во поновата историја.

Продажбата вклучува нарачки однапред, електронски и аудио книги.

„Воодушевени сме од првиот ден на продажбата“, рече Дејвид Дрејк од издавачката куќа „Пингвин“.

Obama's highly anticipated book 'A Promised Land' sells 890,000 copies on its first day | ⁦@brianstelter⁩ https://t.co/X2DOCHKXJQ

— State of the Union (@CNNSotu) November 18, 2020

Книгата на сопругата на Обама, Мишел, „Becoming“, се продаде во 725.000 примероци во Северна Америка првиот ден, a за две години достигна тираж од 10 милиони ширум светот, наведува АП.

Заради споредба, книгата „Мојот живот“ на Бил Клинтон се продаде првиот ден во тираж од околу 400.000, а „Точки на одлука“ на Џорџ Буш во тираж од 220.000.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.