Собир пред Универзална сала, скопјани се збогуваат со Балашевиќ
- Детали
- Категорија: Култура
- Создадено: 20 Февруари 2021
Ѓорѓе Балашевиќ си замина засекогаш, а колку тој беше важен сведочат илјадниците кои се збогуваат од него на плоштадите во Белград, Нови Сад, Загреб, Сараево. Вечерва ќе се одржи и собир во Скопје.
Оние кои ги сакаа неговите песни се собраа на плоштадот пред Комбанк салата каде тој го одржа неговиот последен концерт во Белград. Плоштадот е претесен за сите кои дојдоа да се простат од него и да запалат свеќа.
На социјалните мрежи веднаш по објавувањето за неговата смрт, беа организирани собири во негова чест.
Најавен е собир во 19 часот пред Универзалната сала во Скопје.
„Скопје тагува за големата легенда Ѓорѓе Балашевиќ кој зад себе остави бројни стихови кои засекогаш ќе останат во сеќавањата на многу генерации и ќе живеат вечно. Скопје за Балашевиќ, денес со старт во 19ч. пред неговата Универзалната сала, да се собереме и да оддадеме последна почит за нашата незаборавна легенда“, пишува во најавата за настанот во Скопје на Фејсбук.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс