ДПМ го распиша конкурсот за поетската награда „Даница Ручигај“

Друштвото на писатели на Македонија традиционално го распишува конкурсот за доделување на наградата „Даница Ручигај“ за најдобра поетска книга од писателка-членка на ДПМ, објавена во тековната година.

Во конкуренција за ова признание ќе влезат стихозбирките објавени од ноември 2020 година до крајот на септември 2021 година.

Со оглед на моменталната ситуација со Ковид-19, пожелно е авторките и издавачите да ги достават книгите во електронска форма на адресата на ДПМ - Оваа е-адреса е заштитена од спамботови. Треба да ви е овозможено JavaScript за да ја видите. (со назнака за конкурсот за наградата „Даница Ручигај“) или да достават по еден примерок во канцеларијата на ДПМ, најдоцна до 15 октомври 2021 година.

Доделувањето на оваа награда е дел од активностите на Клубот на писателките-членки на ДПМ, што го носи името на познатата македонска поетеса Даница Ручигај, која загина во скопскиот земјотрес во 1963 година.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.