Владата ќе расправа за пренамена на средства од енергетска ефикасност во проекти за наводнување

Владата на Република Македонија денеска на седница ќе расправа за пренамена на средства од Програмата за енергетска ефикасност и обновливи извори во проекти за наводнување. 

 

На дневен ред на 95. владина седница е и информацијата за формирање на работна група за Национален акциски план за енергија и клима, а министрите ќе треба да се изјаснат и за потребата од итна санација на армирано-бетонскиот мост на пругата Велес – Гевгелија.

 

Владата ќе се произнесе и по информацијата за обезбедување деловен простор за проектот за отворање на Инфо-центар за евроатлантски интеграции, а ќе расправа и за информацијата за анализа за алтернативна локација за изградба на нов Универитетски клинички центар во Скопје и формирањето на работна група за вршење на анализата.  

 

На денешната седница меѓу другите точки е и информацијата за усвојување на меѓународната Повелба за отворени податоци, а претставници на Археолошкиот музеј на Македонија ќе информираат за реализацијата на меѓународната изложба „100 години Требениште“.

 

 





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.