1-ва Скопска - МТМ Телевизија

Во Кривопаланечката населба Скрљава во тек е изградбата на долот со кој ќе се уреди и каналот долж населбата со вкупна должина од 264 метри. Изградбата на „Скрљавски дол“ е задничка инвестиција на Министерството за животна средина и просторно планирање и општина Крива Паланка.

Денеска во обиколка на градежните активности беше градоначалникот на Крива Паланка, Борјанчо Мицевски.

-Должината на опфатот е од 264 метри, со што ќе се заокружи започнатата градба и ќе се овозможи ефикасно функционирање на каналот. По изградбата на „Сркрљавски дол“, во иднина ќе се овозможи и изградба на дел од улицата „Климент Охридски“, која се протега паралелно со самата регулација, а која веќе е предвидена со деталниот урбанистички план. Со изградбата на овој опфат треба да се регулира поројот, а воедно треба да се реши и проблемот со квалитетен колски пристап за локалното население, рече Мицевски.

Градежните активности опфаќаат изградба на долот со цел навремено и квалитетно реализирање на планираната динамика за реализација на градежната сезона во општината.