All for Joomla All for Webmasters

Средба на Села со шефот на мисијата на ОБСЕ во Македонија Која

Лидерот на Алијансата на Албанците Зијадин Села денеска оствари работен состанок со шефот на мисијата на ОБСЕ во Македонија, амбасадорот Клеменс Која, на која информирал за политичките актуелности во земјата, како и за придонесот на Алијансата за евро-атланскатите интеграции.

 

Како што соопштуваат од партијата, тој изразил благодарност до амбасадорот Која за политичката улога на ОБСЕ во Македонија со години наназад, како многу важна организација што придонела за политичкиот живот во Македонија, за конструктивниот напредок во меѓуетничките односи, за придонесот на ОБСЕ во рамки на реализацијата на реформите во изборната легислатива и спроведување демократски изборен процес.

Села од амбасадорот Која побарал ОБСЕ да го зголеми притисокот врз Владата за најавените реформи во судство, борбата против корупцијата и усогласување на постојните закони со акито на ЕУ.

Станало збор и за амандманите на Алијансата на Албанците за уставните измени, со оценка на Села дека албанските барања во Уставот ќе ја зајакнат политичката стабилност во Македонија и ќе го забрзаат процесот на интеграција во НАТО и во ЕУ.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.