СДСМ: Мицкоски и ВМРО-ДПМНЕ немаат поддршка и бараат алиби за изборниот пораз што ги чека
- Детали
- Категорија: Македонија
- Создадено: 15 Јануари 2019
Почитувани граѓани, почитувани новинари,
Најавата на антизападното ВМРО-ДПМНЕ за бојкот на претседателските избори е потврда дека Христијан Мицкоски знае дека нема поддршка кај граѓаните и бара алиби за изборниот пораз што го чека.
Очаен е антизападниот Мицкоски, целосно загубен во неуспехот на неговото деструктивно антизападно делување.
Тој, Груевски, Иванов и Бачев не успеаја да ја блокираат иднината на Македонија во ЕУ и НАТО, беа поразени од граѓаните.
Се обиде со некакви протести и собири, ги најавуваше за секоја среда и секоја недела, виде дека нема поддршка од граѓаните, ги откажа ненадејно.
Му се приклучи на Јанко Бачев и се сведе на негов портпарол. Не успеа. Нивните заеднички собири на кои се сееше омраза, раздор помеѓу граѓаните, невистини и антизападни пароли, граѓаните ги отфрлија.
Сега, соочен со сопствената неспособност и неуспехот на антизападните политики Мицкоски е во нови обиди за деструкција, условувања, блокади.
Ниту една идеја, предлог, програма, план за доброто на граѓаните и државата не слушнавме од антизападниот Мицкоски.
Мицкоски и неговите црнила како и деструкциите на неговата партија немаат поддршка од граѓаните.
Наместо условувања за бојкотирање на избори Мицкоски нека се подготвува за пораз на следните избори какви и да се.
Граѓаните нема да дозволат нов Иванов ниту пак нов Груевски.
Македонија тргна напред. Граѓаните се одлучија за напредок и интеграција во НАТО и ЕУ.
Костадин Костадинов, портпарол на СДСМ и пратеник
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс