Ќе се отвора Почесен конзулат на Албанија во Битола
- Детали
- Категорија: Македонија
- Создадено: 15 Јануари 2019
Владата на Република Македонија донесе одлука за отворање Почесен конзулат на Република Албанија во Република Македонија со седиште во Битола.
Со владината одлука донесена на 8 јануари оваа година и објавена во Службен весник на РМ се дава согласност Имер Селмани да се именува за почесен конзул на Република Албанија во Република Македонија со седиште во Битола.
Владината одлука ќе ја спроведе македонското Министерство за надворешни работи.
Инаку, од независноста на Република Македонија до денес во Битола се отворени 13 почесни конзулати на исто толку држави од Европа. Од нив, три почесни конзулати (Хрватска, Велика Британија и Словенија) привремено не работат, додека Република Бугарија во Битола има Генерален конзулат, а Република Грција има отворено Канцеларија за врски во овој град.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
