1-ва Скопска - МТМ Телевизија

Општинската административна зграда при Спомен-домот АСНОМ како и деветолетките ,,Св.Климент Охридски” и ,,Ванчо Прке” се јавните објекти во кои во Делчево ќе бидат поставени фотоволтаични системи согласно Програмата за подобрување на инфраструктурата во руралните средини, поддржана од Европската унија.

 

 

Градоначалникот на општина Делчево, Горан Трајковски, потенцираше дека со инсталацијата на фотоволтаични системи на општинската зграда и на двете основни училишта во Делчево продолжува имплементацијата на стратешките цели на Општината за енергетска ефикасност.

 

 

– Делчево ќе добие значајна заштеда на електричната енергија и директно ќе се намалат трошоците на општината. Истовремено со овој проект ќе се зголеми и бројот на користени обновливи извори на енергија во Делчево со што освен што ќе штедиме енергија, значајно ќе се придонесе и за заштита на животната средина и подобрување на условите за живот на општина Делчево. Ова е уште еден чекор повеќе за општина Делчево, кога е во прашање енергетската ефикасност. Овде ќе потсетам дека Делчево штеди енергија и до 70 проценти на јавното осветлување со замената на 760 живини со лед-светилки, рече Трајковски.

 

 

Во Македонска Каменица со програмата за поставување фотоволтаични панели ќе бидат опфатени детската градинка „Бамби“, општинското основно училиште „Св.Кирил и Методиј“ и Средното општинско училиште „Миле Јаневски Џингар“. Објектите на кои ќе се инсталираат овие системи ќе можат самите да произведуваат струја преку фотонапонски системи, а од општина Македонска Каменица со нивното инсталирање очекуваат де се направат значајни заштеди за струја кај овие јавни објекти, со што ќе се намалат трошоците, а истовремено ќе се зголеми и искористеноста на обновливите извори на енергија.