Костадинов: Економските политики успешни, со влезот во НАТО забрзување на економскиот раст

Бројни економски показатели секојдневно докажуваат дека со успешните економски политики и придвижувањето на интегративниот процес, економијата е веќе на здрави основи и се движи во вистински правец.

 

Растот на просечната плата во 2018 година изнесува 5,7 отсто и е за дури трипати поголем од просечниот раст во последните пет години, покажуваат официјалните податоци на Министерството за финансии. Платите растат, се повеќе пари завршуваат кај граѓаните, во секое семејство.

 

Напредокот во интеграцијата кон ЕУ и НАТО ја врати довербата во македонската економија, го врати оптимизмот кај инвеститорите.

 

Доказ за тоа е растот на прометот на Македонската берза кој во 2018 бил за речиси 120 отсто поголем од прометот остварен во 2017 година.

 

Со приближувањето до полноправно членство во ЕУ и НАТО, Македонија станува сигурна, атрактивна и посакувана дестинација за туристите. За првпат во историјата на независна Македонија, во 2018 година, без месец декември, во државата престојувале над еден милион туристи.

 

Ова само дел од низата параметри што ја покажуваат успешноста на економските политики и значењето на процесот на интеграција за развој на економијата.

 

Со влезот во НАТО што е веќе извесен, овие показатели дополнително ќе растат.

 

Влезот во НАТО и почетокот на преговорите со Европската унија ќе го забрзаат економскиот раст, македонската економија ќе стане уште поконкурентна и поатрактивна за инвеститорите, ќе растат инвестициите, платите, работните места, а со тоа и индустриското производство и извозот.

 

Кога зборуваме за ЕУ и НАТО, за обезбедување светла иднина, зборуваме за економски напредок, повеќе пари кај граѓаните, раст и развој.

 

Успешните економски политики на Владата предводена од СДСМ и политиките на интеграција, стабилност и развој се во интерес на граѓаните, економијата и напредокот на државата.

 

Од друга страна политиките на поделби, блокади и кочење на процесите за членство во НАТО и ЕУ што ги застапуваат антизападните маргинални групи и Христијан Мицкоски се на директна штета на граѓаните и напредокот.

 

Како одговорна партија остануваме посветени на заложбите за интеграција, напредок и економски раст. Продолжуваме со спроведување на мерките што обезбедуваат нови работни места, повеќе пари и повисок животен стандард за сите граѓани.

 

Костадин Костадинов, портпарол на СДСМ

 

 





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.