СДСМ: Криминалните политики на ВМРО-ДПМНЕ и игнорирањето на проблемот придонесе загадувањето да ескалира, сега се преземаат мерки

11 години ВМРО-ДПМНЕ го игнорираше проблемот со аерозагадувањето и наместо на потребите на граѓаните се посвети на криминал и корупција.

 

Цели 11 години антинародната ВМРО-ДПМНЕ системски го уништуваше зеленилото, ја загрозуваше животната средина заради остварување на криминални интереси.

 

За време на владеењето на ВМРО-ДПМНЕ, време кога и Мицкоски беше директор на ЕЛЕМ струјата поскапе за 100%. Поради скапата струја, домаќинствата беа принудени да преминуваат на поевтини и помалку еколошки начини на греење.

 

Тоа беше уште директна причина за зголемување на загадувањето на воздухот.

 

За разлика од таквиот игнорантски однос на ВМРО-ДПМНЕ, денес се преземаат заеднички напори со сите надлежни институции, преку низа мерки на краток, среден и долг рок за решавање на проблемот со аерозагадувањето.

 

Интервентните мерки за продолжување на распустот на учениците, воведувањето на бесплатниот градско превоз во Скопје и ограничувањата на градежните активности се со цел да се заштити здравјето на граѓаните и на децата.

 

Покрај овие интервентни мерки се реализираат и системски мерки, интензивно се работи на проектот за гасификација што директно ќе придонесе за значително помала загаденост, се зголемуваат зелените површини, се засадуваат нови дрвја и садници, се субвенционираат еколошки горива за греење, се заменуваат нееколошките со еколошки горива во училиштата, се набавуваат нови еколошки автобуси, ставен е во функција заштитен филтер за апсорбирање на штетните честички во Дрисла, се набавува филтер за Југохром, се расчистуваат диви депонии.

 

Ова се само дел од мерките што секојдневно се преземаат за решавање на долгодишниот сложен проблем со загадувањето од страна на Владата, општините, Град Скопје и сите надлежни институции.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.