Охрид СОС: Се тампонира и бетонира охридското крајбрежје кај Калишта
- Детали
- Категорија: Македонија
- Создадено: 22 Февруари 2019
На Охридското крајбрежје на потегот од Струга кон селото Калишта се тампонираат парцели и се поставуваат бетонски огради, се палат трски и друга вегетација, а се депонира и градежен шут, алармира граѓанската иницијатива Охрид СОС.
Според иницијативата, максимално се користи секој момент, имајќи ја предвид најавата на Владата дека ингеренциите за плажите во Охрид и Струга ќе преминат од општинско на државно ниво.
– Се чини како да е ова ничија земја, како да не важат овде законите на државата, како да нема никаква контрола од надлежните институции. Не се знае кој узурпира, кој гради. На терен беа лица со приватни возила, израмнет терен, на неколку места изградени објекти непосредно до езерото, паркирани возила, оградено со жица. Глетката е ужасна. Оваа ситуација не беше спомната во одговорот на македонските институции до УНЕСКО. Свесно е премолчено ова намерно уништување на природата, појасот трска, кој е овде најконзистентен, велат од Охрид СОС.
Локацијата, забележуваат, е надвор од градот, незабележлива и е поволно за узурпаторите.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс