1-ва Скопска - МТМ Телевизија

Гасот ќе стигне пред портите на Кавадарци најдоцна до јули месец, тоа ќе биде четврто или петто градско подрачје во државата кое ќе се гасифицира, беше речено на денешната 22 седница на Советот на општината.

Советниците едногласно ја усвоија предлог одлуката за започнување на постапка за гасификација на градот, откако ја слушнаа презентацијата за дистрибутивната мрема за гасификација.

-Кавадарци е општина со една од најголемите територии во државата. Но, истовремено мака мачи со загадувањето како проблем и е меѓу најзагадените во Европа. Само во градот има околу 20 илјади возила, рече претставникот на изготвувачот на физибилити студијата.

Тој соопшти дека терцијалната мрежа ќе ја чини општината околу два милиона евра, а индивидуалниот приклучок ќе чини од 800 до 2.500 евра. Инвестицијата се враќа за две до три години.