Почина вработен во рудник во Радовиш од струен удар
- Детали
- Категорија: Македонија
- Создадено: 14 Март 2019
Вработен во рудник во Радовиш вчера починал од струен удар додека изведувал работи на трафостаница, информираат од МВР.
Во полициската станица Радовиш од Итна медицинска помош вчера, во 14:20 часот било пријавено дека вработен во рудник во Радовиш А.Р. (59) од село Воиславци, додека изведувал работи на трафостаница го удрил струен удар, по што починал.
Увид на местото извршиле јавен обвинител, трудов инспектор, инспектори од Државен инспекторат за електрика и опрема во рударството и екипа на Полициската станица Радовиш. По наредба на јавен обвинител, телото на починатиот било предадено на обдукција.
Се работи на расчистување на случајот, се наведува во соопштението од МВР.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс