Предложен притвор за косовскиот дилер на марихуана кај Блаце
- Детали
- Категорија: Македонија
- Создадено: 19 Март 2019
Јавен обвинител до Основниот суд Скопје 1 предложи притвор за косовскиот државјанин кој во неделата вечер беше фатен со 14 килограми марихуана блиску до граничниот премин Блаце.
ОЈО-Скопје води истрага против тој државјанин на Косово, осомничен за кривично дело „неовластено произведство и пуштање во промет наркотични дроги, психотропни супстанции и прекурсори“.
На 17 март околу 20 часот во близина на граничниот премин Блаце тој неовластено држел 14 полиетиленски пакувања наркотична дрога – марихуана наменета за продажба.
– Дрогата со вкупна тежина од 14080,8 грама била ставена во две јутани вреќи кои осомничениот ги носел со себе, соопшти ЈОРМ, додавајќи дека притворот за осомничениот е предложен поради околности кои укажуваат на опасност тој да избега или да го повтори кривичното дело.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
