Папас: Со текот на времето се смируваат страстите за Договорот од Преспа
- Детали
- Категорија: Македонија
- Создадено: 21 Март 2019
Нашите амбиции се да ги убедиме дури и оние кои не се согласуваа со нас дека Договорот од Преспа е во корист и на нивниот секојдневен живот и на националните интереси, рече министерот за дигитална политика и телекомуникации на Грција Никос Папас во интервју за грчкото радио „Сто Кокино", јави дописничката на МИА од Атина.
Папас е во посета на северниот дел на Грција каде што во една прилика беше насобрана група од неколку лица кои сакаа да го изразат нивното незадоволство од Договорот од Преспа.
-Договорот од Преспа веќе е ратификуван, тоа е реалност и народот во северниот дел од земјата чека да ги види вистинските придобивки што ќе произлезат од имплементацијата. Како што поминува времето, се смируваат страстите, коментира Папас за грчкото радио и објаснува дека групата била од 10 лица.
За време на посетата на Килкис (Кукуш), министерот за дигитална политика и телекомуникации истакна дека „со Договорот од Преспа регионот добива нови можности и почнува нов период".
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс