Во Кичево две возила за јавен превоз исклучени од сообраќај
- Детали
- Категорија: Македонија
- Создадено: 21 Март 2019
На целото подрачје на СВР Охрид, вчера беа извршени зајакнати акциски контроли во сообраќајот, посебно насочени кон возила кои вршат јавен превоз на патници.
Притоа, полициските службеници извршија контрола во Кичево на вкупно 60 моторни возила, од кои на дополнителен преглед во станиците за технички преглед упатени се 24 возила кои вршат јавен превоз на патници.
Во станиците, констатирани биле вкупно две неисправности од кои, еден неисправен уред за запирање.
При акциските контроли, од сообраќај се исклучени две возила со кои се вршел јавен превоз на патници.
Полициските службеници во Кичево издале вкупно две прекршочни платни налози.
– Акцискате контроли беа спроведена со цел подигнување на степенот на безбедност во сообраќајот и доследно почитување на одредбите од Законот за безбедност во сообраќајот на патиштата, информираше портпаролот на СВР-Охрид Стефан Димоски.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
