Двајца кандидати за испразнетото градоначалничко место во Ново Село
- Детали
- Категорија: Македонија
- Создадено: 22 Март 2019
Никола Андонов од СДСМ и Николчо Стоилков од ВМРО ДПМНЕ се кандидати за градоначалник на општина Ново Село на изборите што ќе одржат на 21 април заедно со претседателските.
Никола Андонов е познат стопанственик од селото Колешино, а функцијата градоначалник на Ново Село ја извршуваше во периодот од 2005 до 2009 година.
Николчо Стоилков е актуелен претседател на ОК ВМРО ДПМНЕ во Ново Село. Дипломирал на Правниот факултет при УКИМ, вработен е во Царинската управа.
Во Ново Село ќе се избира нов градоначалник, бидејќи поранешниот Боро Стојчев поднесе оставка откако беше осуден на затворска казна за обид за шверц на цигари.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
