Двајца млади донираат облека за матурска вечер на матуранти од социјално загрозени семејства
- Детали
- Категорија: Македонија
- Создадено: 15 Април 2019
Двајца млади донираат облека за матурска вечер на матуранти од социјално загрозени семејства. Се работи за 21-годишниот Димитар Аврамов од Неготино и една година помладата Михаела Димитријевска од Крива Паланка кои студираат во соседна Бугарија, програмирање и забен техничар.
-Се што сакаме, е да донесеме среќа за двајца матуранти, момче и девојче. Да се чувствуваат убаво на својата матурска вечер, со радост да ја прослават и по тоа да ја паметат, рече Аврамов за МИА.
Истовремено, сопственичка на козметичко студио од Неготино, донира шминкање и средување на нокти за две матурантки, кои самите не можат да си го дозволат тоа. Аврамов вели дека интересот за донирање пред матурските вечери се зголемува и многумина други се заинтересирале за иницијативата на овој млад пар, па биле најавени и други донации од хумани луѓе.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс