Силјановска-Давкова ги посети Здружението на глуви и наглуви на Град Скопје и „Еко Планета"
- Детали
- Категорија: Македонија
- Создадено: 16 Април 2019
Кандидатот за претседател на ВМРО-ДПМНЕ и коалицијата Гордана Силјановска Давкова денеска се сретна со претставници на Здружението на глуви и наглуви на Град Скопје.
Таа изјави дека државата треба да се грижи за сите граѓани вклучувајќи ги и глувите и наглувите, кои без разлика на мајчиниот јазик, се обединети и користат еден знаковен јазик. Според неа, овие граѓани треба да се опфатени од принципите на соодветна и првична застапеност.
Силјановска Давкова денеска се сретна и со претставници на Здружението за животна средина „Еко Планета".
– Разговаравме за можностите за вклучување еколошки теми во образовниот процес, и теоретски и практични лекции, рече Силјановска Давкова. Додаде дека Здружението за животна средина „Еко Планета" ја има нејзината поддршка бидејќи заштитата на животната средина е и нејзин приоритет.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс