1-ва Скопска - МТМ Телевизија

Во рамките на спроведување на комуналната програма во Прилеп за уредување на улиците во градот и населените места, изминативе неколку денови се работи активно на тампонирање и асфалтирање на улици во градот.

Според Блаже Богоески, задолжен за надзор над работите, времето погодува за тампонирање и асфалтирање.

-Се работи на три краци на потегот помеѓу улиците „Истарска" и „Мечкин камен". Во моментов се работи на нивно тампонирање и одготовка за поставување асфалт. Должината на улиците е близу 300 метра, планирано е во следните неколку денови подготовките да бидат завршени и да се асфалтира,  рече Богоески.

Истовремено се работи и на тампонирање на десетина помали краци од улицата „Пчиња", непосредно над прилепското основно училиште „Гоце Делчев", што, истовремено, е подготовка за нивно асфалтирање.