ДКСК ќе ги разгледува случаите со Рашковски и со набавката на авибилети во институциите

Државната комисија за спречување корупција ќе го разгледа случајот со продажбата на авионски билети во институциите, изјави денеска претседателката на Државната комисија за спречување корупција, Билјана Ивановска.

 

-Планираме да разговараме со Државниот завод за ревизија колку тие ќе го покријат тој случај. Значаен е затоа што големи парични средства се кријат во позадина и вреди за истражување, изјави Ивановска која денеска учествува на обуката за зајакнување на улогата на укажувачите во борбата против корупцијата во организација на Транспаренси Итернешенл-Македонија и ДКСК.

 

На новинарско прашање дали лицето што го откри случајот со владиниот генерален секретар Драги Рашковски е укажувач, таа нагласи дека тоа лице нема статус укажувач бидејќи не ги испочитувал законските услови.

 

Претседателката на Антикорупциска повтори дека ќе водат постапка по допрен глас од медиуми по сопствена иницијатива, но се уште не можат да почнат со обработка бидејќи чекаат да им биде доставена документацијата што ја имаат побарано од МАВ од аспект што е потребно во однос на тендерот, како и документација од Рашковски на писмено да образложи во кое својство се нашол во објавениот снимен разговор.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.