Прекини во водоснабдувањето поради дефекти, вода за пиење има доволно во Тетово

Жителите во централниот дел на Тетово се соочуваат со појава на прекини во водоснабдувањето, но од комуналното претријатие велат дека вода има доволно и дека единствена причина се дефектите во цевководната мрежа.

 

Дел од граѓаните кои живеат во близина на општината велат дека неколку дена вода немаат од 10 до 12 часот.

 

– Вода ова лето има доволно и на оптимално ниво е капацитетот. Во моментот има 500 литри вода во секунда што ги задоволува потребите на градот. Во овие бројки не е вклучена и дополнителната количина од новиот водоснабдителен систем, изјави Самедин Абедини од работната единица Водовод и канализација при Јавното комунално претријатие Тетово.

 

Тој потенцира дека нема рестрикции, туку прекините во водоснабдувањето во некои населби се поради честите дефекти.

 

– Секој ден има по некој дефект на мрежата, поради дотраеност пукаат цевките. Обично прекинот во водоснабдувањето трае неколку часа, во зависност од видот на оштетувањето на водоводната цевка и замена на истата. Во просек има два до три дефекти на разни позиции во градот, вели Абедини.

 

И покрај доволните количини вода сепак од Јавното комунално претпријатие Тетово, апелираат водата да се користи рационално и да не се троши за полевање зелени површини, улици и тротоари.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.