Министерот Хасан во посета на компанијата Сара-колант, ги претстави новините од Законот за финансиска поддршка
- Детали
- Категорија: Македонија
- Создадено: 17 Јули 2019
Министерот без ресор задолжен за странски инвестиции Елвин Хасан ја посети компанијата Сара-Колант во Скопје, компанија од текстилната индустрија што има специјализирани продавници во Скопје и е корисник на поволностите што ги нуди новиот Закон за финансиска поддршка на инвестициите.
Министерот Хасан, како што се наведува во соопштението од неговиот Кабинет, при посетата е запознаен со работата на компанијата и со современите технологии и процеси што се користат во процесот на работење, како и идните економски потфати што ќе ги преземе компанијата.
Сопственикот на компанијата, Вили Филиповски го изрази своето задоволство од досегашната соработка со Владата, при што министерот им ги презентираше новите измени на Законот и им ја изрази својата поддршка во процесот на остварување на целите на инвестицијата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс