Прес-конференција на премиерот Заев за откажаната лидерска средба
- Детали
- Категорија: Македонија
- Создадено: 19 Јули 2019
Премиерот Зоран Заев одржува прес-конференција во Владата во врска со откажаната лидерска средба.
На лидерската средба што ја предложи Заев беа номинирани три главни теми – законот за јавното обвинителство, пописот и измените на Изборниот законик, со можност да се дискутира и за други прашања.
Поканата за лидерска ја прифатија претседателите на ДУИ и на Алијансата за Албанците, Али Ахмети и Зијадин Села, но лидерот на ВМРО-ДПМНЕ Христијан Мицкоски одби да дојде со образложение дека би присуствувал само ако се разговара за предвремени парламентарни избори.
Од Владата денеска соопштија дека лидерската се откажува, а ставот на Мицкоски тоа го оценија како „ултиматуми од неодговорниот партиски претседател на ВМРО-ДПМНЕ кој заштитата на криминалот и заложбата за блокади и изолации ги става пред државните интереси за напредок на нашата земја“.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
