1-ва Скопска - МТМ Телевизија

 Во Маврово викендов ќе се одржи 12-та меѓународна изложба на расни кучиња „ЦАЦИБ Маврово 2019“. Оваа изложба под падините на Бистра, во организација на Кинолошкото друштво „Скардус“ од Гостивар се одржува шести пат.

– Првиот ден ќе се оценуваат 49 раси, а вториот 50. Пријавени се изложувачи од 11 земји, ќе имаме гости од Полска , Франција, Словачка, Русија, Украина и други земји од соседството. Интересно е што имаме и учесник кој со неговиот миленик ќе дојде од градот Кабаровск што се наоѓа на Руско-кинеската граница, а за оваа прилика тие патуваат над дваесет илајди километри. Покрај натпреварувачкиот дел планираме и дружење со сопствениците и размена на искуства, изјави за МИА Миле Алексоски од „Скардус“ од Гостивар.

За оценувањето на кучињата ќе се погрижат судии со меѓународно искуство: Душан Пауновиќ, Ненад Мариќ и Србија, Владо Пискај од Словачка и Михајло Костовски од Република Северна Македонија.

Организатори се Кинолошкиот сојуз на Македонија и КД „Скардус“ од Гостивар.