Лежечки полицајци поставени во Гевгелија и Негорци
- Детали
- Категорија: Македонија
- Создадено: 23 Јули 2019
На најфреквентните улици во Гевгелија и Негорци поставени се десет лежечки полицајци со цел да се успори брзината на движење и да се обезбеди поголема безбедност на пешаците.
– Од десетте поставени успорувачи на брзината, седум се уредени според најновите стандарди, односно имаат широчина од четири метри и истовремено се одбележани и како пешачки премини, информираат од општината.
Вакви лежечки полицајци се поставени на места во градот каде движењето на пешаците е најголемо, како пред училиштата, детските градинки и игралишта и пред големите супер маркети, а класични лежечки полицајци се поставени на влезот и пред училиштето во Негорци, како и пред детското игралиште во Серменинска маала во Гевгелија.
Наредниве денови е најавено поставување и на соодветна вертикална сигнализација.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
