Средба Арифи-Рикер: Евроатланските интеграции најсуштински за државата
- Детали
- Категорија: Македонија
- Создадено: 26 Јули 2019
Вршителот на должноста помошник државен секретар на САД за Европа и Евроазија, Филип Рикер при денешната посета на Тетово, разговараше со тетовската градоначалничката Теута Арифи.
Во придружба на Рикер, во градот првпат по нејзиното именување на функцијата, престојуваше и американската амбасадорка во Северна Македонија, Кејт Бернс.
– Тетово е градот кој има големо влијание и во економскиот и во политичкиот живот во вашата земја. Ја поздравувам заложбата на градоначалничката за евро- и НАТО-интеграциите на земјата, истакна Рикер на средбата со градоначалничката Арифи.
Арифи, од своја страна, искажа цврста заложба за што побрза интеграција на земјата во ЕУ и НАТО, а посочи на потребата од идна уште попродуктивна соработка.
– Му благодариме на Филип Рикер за поддршката и соработката што Тетово ги добива од страна на САД. На денешниот состанок централни теми беа билатералните односи и патот на Северна Македонија кон членство во НАТО и ЕУ, а беа разменети и мислења за состојбите во регионот, истакна Арифи.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс