Намалена продажбата на свинско во делчевските месари
- Детали
- Категорија: Македонија
- Создадено: 14 Август 2019
Бугарските потрошувачи се помалку купуваат свинско месо од делчевските месарници поради неможноста да го внесат во нивната земја. Контролата на граничниот премин е зајакната, а утрово поради прцедурите, имало задржувања и до 1,5 час.
– Порано, пред да се појави свинската чума, најредовните муштерии ни беа од Бугарија. Самите велат дека на граница имаат проблеми за внес и затоа овде почесто го консумираат месото одошто го купуваат, вели Страшо Ангеловски, месар од Делчево.
Зголемените контроли за внес на свинско месо на граничниот премин „Станке Лисичково” го забавија сообраќајот на граничниот премин кај Делчево.
-Во Бугарија има епидемија на свинска чума и затоа лицата задолжени за преглед не прашуваа дали внесуваме месо. Поради присуството на товарни возила постапката траеше подолго и задржувањето како што ни објаснија бугарските граничари трае подолго од вообичаената постапка, рече еден од возачите.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
