Кривична пријава за 18-годишно момче од тетовско Озормиште
- Детали
- Категорија: Македонија
- Создадено: 15 Август 2019
Тетовската полиција соопшти дека завршила истрагата за четири тешки кражби во цркви во регионот. За извршените кражби полицијата ќе поднесе кривична пријава за 18-годишно момче од тетовското село Озормиште.
– З.А.(18) се сомничи дека во мај и јуни годинава насилно провалил во црквите во тетовските села Радиовце, Волковија и Јанчиште и по комплетното пребарување на нивната внатрешност одземал парични средства. На тој начин противправно се стекнал со вкупна имотна корист која се проценува на 8.500 денари, информираат денеска од СВР Тетово.
Осомничениот З.А., како што посочуваат, и претходно бил пријавуван во СВР Тетово за вакви и слични кривични дела, кои главно ги извршувал на поширокото тетовско подрачје.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
