Поради пожарите на Канарските Острови евакуирани 10 илјади лица
- Детали
- Категорија: Македонија
- Создадено: 20 Август 2019
Повеќе од 1000 пожарникари и припадници на службата за вонредни ситуации сè уште се борат со големиот пожар на Канарските Острови, поради што се и евакуирани над 10 илјади лица.
Ситуацијата денеска е нешто подобра, со оглед на тоа дека температурата е пониска, а ветрот е послаб.
Во пожарот на островот Гран Канарија досега изгореја повеќе од 12 илјади хектари шума.
Претседателот на Канарските Острови Анхел Торес соопшти дека пожарот губи на силина и оти „срцето“ на островскиот главен природенден резерват Тамабада останало незасегнато.
Синоќа властите рекоа дека пожарот е „надвор од контрола“ и оти брзо се шири кон јужниот дел на островот.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс