Јанева: Не чувствувам вина за „Рекет“

Не чувствувам вина, истакна специјалната јавна обвинителка Катица Јанева по петчасовниот распит во Обвинителството за организиран криминал за случајот „Рекет“.

 

На новинарско прашање дали очекува да биде проширена истрагата и на неа, Јанева кажа дека тоа треба да го каже обвинителката што го води случајот. Таа рече и дека не знае дали има инволиварано некој политичар.

 

Прашана дали е нејзиниот глас на објавената видео снимка на која на Јордан Камчев му вели дека „се ќе биде во ред“, Јанева рече дека засега не може и не смее тоа да го каже зашто во истрага не се споделуваат информации.

 

– Се надевам дека ќе има судење, ќе се гледаме уште, додаде шефицата на СЈО.

 

На прашањата дали знае каде се парите од „Рекет“ и дали Камчев е се уште осомничен, Јанева одговори: „да“.

 

За одземените телефони, рече дека се уште се на анализа во обвинителството, а за тоа дали се форматирани, изјави дека бил форматиран третиот телефон што е изгубен.

 

Таа не кажа зошто предложила спогодба за предметите „Империја“ и за „Поштенска банка“ и ослободување на обвинетите.

 

Додека одговараше на новинарските прашања, адвокатот Стеван Павлевски неколкупати ја предупреди дека не е на распит со цел да прекине со изјавите.

 

Павлевски кој денеска ја придружуваше Јанева во обвинителството е адвокат на Цветан Панделевски, еден од обвинетите во предметот „Империја“ на СЈО.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.