Претседателот Пендаровски се сретна со кувајтскиот амбасадор Јакуб Ал-Атики
- Детали
- Категорија: Македонија
- Создадено: 20 Август 2019
Претседателот на Република Северна Македонија Стево Пендаровски, денеска се сретна со Јакуб Ал-Атики, aмбасадор на Државата Кувајт за Република Северна Македонија, со седиште во Софија.
На средбата, како што информираат од кабинетот на Пендаровски, биле разменети мислења за севкупните билатерални односи меѓу Северна Македонија и Кувајт, при што била изразена заемна подготвеност за продлабочување на соработката како на политички, така и на економски план.
Претседателот Пендаровски ја истакнал потребата од унапредување на соработката меѓу двете држави, со внесување нови содржини и форми, а во функција на отворање на нови можности за зголемување на економската соработка, трговската размена и инвестициите. Во тој контекст, на средбата било посочено на потребата од размена на посети на високо и на највисоко ниво.
На средбата, се вели во соопштението, биле разменети мислења и за состојбите на Блискиот Исток.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
