СДСМ: ВМРО-ДПМНЕ се повеќе наликува на грчка Златна зора, шири омраза и поделби

Почитувани граѓани, почитувани новинари,

ВМРО-ДПМНЕ го извалка големиот државен празник 8 септември – Денот на независноста.

 

Посветена на одбрана на криминалот, ВМРО-ДПМНЕ не испрати делегација на оддавањето почит на поранешните претседатели Киро Глигоров и Борис Трајковски.

 

Со тоа, ВМРО-ДПМНЕ и Христијан Мицкоски покажаа непочит кон државата, кон историјата, кон денот на независноста и кон првите двајцата македонски претседатели.

 

ВМРО-ДПМНЕ продолжува да сее омраза и да поттикнува насилство.

 

Последен пример за тоа е палењето на сликите на премиерот Зоран Заев и министерката за одбрана Радмила Шекеринска во Австралија.

 

ВМРО-ДПМНЕ и нивната реторика се директни поттикнувачи на вакви срамни инциденти.

 

Со ваквите постапки, ВМРО-ДПМНЕ уште еднаш покажа дека се однесува деструктивно, на штета на граѓаните и државата.

 

Одново се докажа дека единствената мисија на ВМРО-ДПМНЕ и Христијан Мицкоски е одбрана на криминалот, ширење поделба и омраза помеѓу граѓаните и оддалечување на државата од ЕУ и НАТО.

 

Полека но сигурно, Мицкоски и ВМРО-ДПМНЕ се претвораат во грчката Златна Зора.

 

Наместо да се приклучат кон процесот за обезбедување на сигурна иднина за земјата тие разгоруваат национализам и потхрануваат лажни очекувања кај своите гласачи.

 

Ниту Мицковски, ниту Груевски не можат да ги вратат процесите назад.

 

Тешка лага е дека ќе го поништат Преспанскиот Договор.

 

Така зборуваа и за Времената Спогодба па не само што ја прифатија туку и ја прогласија за дипломатски триумф.

 

ВМРО-ДПМНЕ, Мицкоски и Груевски нема да успеат да ја вратат државата во темното минато на насилство, поделби и изолација.

 

Република Северна Македонија оди напред како едно општество за сите, без разлика колку и тоа да е неприфатливо во белиот дворец.

 

Костадин Костадинов, портпарол и пратеник на СДСМ





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.