Препораки по осмиот Семинар за Роми: За подобар живот на Ромите во Република Северна Македонија

На 19 септември 2019 се одржа осмиот по ред Семинар за Роми – работна средба за социјална инклузија на Ромите во Република Северна во Скопје во организација на Кабинетот на министерот без ресор Музафер Бајрам во соработка со Министерството за труд и социјална политика, Секретаријатот за Европски прашања и Делегацијата на ЕУ во Република Северна Македонија.

 

Во своето воведно обраќање министерот Бајрам даде краток осврт на слабата реализација на заклучоците од 7 состанок на овој Семинар за Роми која е истакната во последниот Извештај на Европската комисија за напредок на земјата воедно и истакна дека како научена лекција од овој семинар е заклучоците кои ќе бидат донесени од работата на овие работни групи да бидат поконкретни и пореални во насока на имплементација.

 

Во рамки на оваа средба активно учество земаа претставници од државните институции, претставници од невладини и меѓународни организации како и претставници од дипломатски конзуларни претставништва преку работата во работни групи кои ги опфатија приоритените области согласно Стратегијата за Роми 2014-2020 и тоа:

 

Домување / Повратници

 

Образование / Вработување

 

Недискриминација / Родова еднаквост

 

Здравство / Лица без документи

 

По усогласувањето со службите на Европската комисија, предлог заклучоците ќе бидат доставени на седница на Влада на Република Северна Македонија за нивно усвојува и редовно следење на процесот на имплементација.

 

 

Одржувањето на ваквиот работен состанок претставува продолжување на состаноците иницирани од страна на Генералниот Директорат за проширување при Европската комисија, како дел од низата одржани состаноци од ваков тип во земјите од Западен Балкан со цел да се следи степенот на интеграција на Ромите во општеството како ранлива група на граѓани.

 

Кабинет на министер без ресор задолжен за имплементација на Стратегијата за подобрување на состојбата на Ромите





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.