Заев: НАТО ги зацементира нашите граници, никој веќе не може да ги крчма и раскрчмува
- Детали
- Категорија: Македонија
- Создадено: 07 Декември 2019
Никој повеќе не може да ги крчма и раскрчмува нашите граници, го потврдивме нашиот суверенитет, истакна премиерот и претседателот на СДСМ, Зоран Заев на граѓанската трибина во Битола.
„Успеавме драги сограѓани, ние сме 30-та членка на најмоќниот сојуз“, порача Заев повикувајќи се на членот 5 кој, како што рече, потврдува дека доколку една земја е нападната, тоа е напад на сите 30 членки на алијансата.
Премиерот тврди дека ова е доказ за сигурнуста и безбедноста на македонските граници.
„Го извадивме нашиот имотен лист во катастарот на Обединетите Нации. Ние секаде сме Македонци со македонско знаме и зборуваме македонски јазик, затоа гордо можам да заклучам дека успеавме“, додаде премиерот на граѓанската трибина.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
