Петар Рупески од Варош по петти пат го фати крстот во Охрид
- Детали
- Категорија: Македонија
- Создадено: 19 Јануари 2020
Петар Рупески, 30-годишник од Варош, беше најсреќен меѓу неколкуте стотини верници кои денеска влегоа во студените води на Охридското Езеро и успеа прв да дојде до светиот крст.
Ова е петти пат во изминативе години како Петар го фаќа крстот, а првиот пат тоа се случило во 2005 година.
Чинот е дел од традицијата на големиот христијански празник Богојавление – Водици, денот кога православните свештеници на овој начин ги осветуваат водите низ целата земја.
Се верува дека на Богојавление Свети Јован Крстител го крштевал Исус Христос во водите на реката Јордан.
На чинот на осветувањето на водите на Охридското Езеро, што го спроведоа свештеници од Дебарско-кичевската епархија, присуствуваа десетина илјади луѓе, православни верници од Охрид и од други делови на Македонија, но и гости од странство.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
