1-ва Скопска - МТМ Телевизија

Педесет и пет пати сум носен во болница. Пред малигнитет сум. Ве замолувам, не си играјте со мојот живот, изјави денеска пред судот Бојан Јовановски, првообвинет за случајот „Рекет“.

Тој вели дека за неговата состојба се потребни посебни хигиенско диететски услови кои ги нема во истражниот затвор во Шутка.

Судијката на ова рече дека постапуваат по неговото барање и дека ќе биде одобрено на 4 февруари да изврши интервентен зафат.

Неговиот адвокат Сашо Дукоски вели дека тој зафат не е примарен колку што е примарно неговиот клиент да престојува во посебни хигиенски услови.

„Доколку нешто му се случи, ќе има многу виновници и пријави“, рече Дукоски.