ВМРО-ДПМНЕ: Филипче да почне веднаш да ги спроведува насоките од епидемиолозите и СЗО
- Детали
- Категорија: Македонија
- Создадено: 28 Јануари 2020
ВМРО-ДПМНЕ обвинува дека министерот за здравство Венко Филипче пред време се распуштил од функцијата министер и не презел ништо во врска со коронавирусот, додека, како што велат, коси низ светот.
„Министерот за здравство Венко Филипче само продолжува со лагите. Сега на ред се лагите дека сè е под контрола кога станува збор за коронавирусот и сето ова го кажува во период кога сме сведоци дека проверката на патниците на скопскиот аеродром доцнела.
Министерот Филипче наместо да уверува и да тврди, во суштина само лаже. Да почне веднаш и без никакви одлагања да ги спроведува насоките од епидемиолозите и Светската здравствена организација.
Филипче да одговори дали надлежните имаат насоки за постапување, дали здравствените институции се подготвени да реагираат. Граѓаните гледаат дека Филипче и Владата предводена од СДСМ само лажат и на 12 април ќе стават крај на ваквото однесување“, се вели во партиското соопштение.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
