Петмина заразени од директорката на Клиниката за кожни болести

Пет лица од контактите на директорката на Клиниката за дерматологија, Нина (Цаца) Билјановска, се позитивни на коронавирусот, покажале тестовите направени во Институтот за јавно здравје.

 

Министерот Венко Филипче рече дека тие немале симптоми и сите се колеги, здравствени работници, кои биле во домашна изолација 16 дена.

 

„Од тестирани 30 лица, кои биле во контакт со директорката, пет се позитивни на вирусот. Другите ќе се тестираат во следните четири-пет дена. Во добра состојба се, имаат лесна клиничка слика и остануваат во домашни услови во постојан контакт со Инфективната клиника“, рече министерот Филипче.

 

Кај поранешната директорка на Клинката за дерматологија коронавирусот ѝ беше дијагностициран на 8 март, а на 9 март во изолација беа ставени сите луѓе со кои била во контакт по враќањето од Италија.

 

Борбата против вирусот е одговорност на секој од нас. Бидете дисциплинирани и следете ги препораките на експертите. Грижете се за себе, вашите најблиски и оние околу вас.

Останете дома - спасете го човечкиот живот!

МТМ Телевизија - ПРВА СКОПСКА





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.