Забрана за камиони на Стража, Плетвар и на патот Маврово - Дебар
- Детали
- Категорија: Македонија
- Создадено: 01 Април 2020
Од изутринава има забрана за движење на тешки товарни возила на патниот правец крак Маврово - Дебар, на Плетвар и на планинскиот премин Стража.Врнежи од снег се бележат на Попова Шапка, Маврово, Кула, Крушево, Крива Паланка - ГП Деве Баир и на планинските превои Стража, Ѓавато и Пресека, информира АМСМ.
За македонски државјани се затворени сите гранични премини за излез од државата. Затворени се сите гранични премини за влез во државата за странски државјани, патници и возила, освен за транзит на товарни возила, за претставници на дипломатскиот кор и тие кои што ќе добијат соодветна дозвола од страна на МВР, а по претходно добиено мислење од страна на главниот координативен штаб.
Интензитетот на сообраќај на патните правци надвор од градските средини е умерен.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс