Чулев: Полицајците на граничните премини дадоа сѐ од себе за да нема застој на камионскиот транспорт
- Детали
- Категорија: Македонија
- Создадено: 22 Мај 2020
Министерот за внатрешини работи во знак на благодарност поради тоа што економијата и транспортот продолжија да функционираат без поголеми отстапувања и за време на пандемијата, денеска го посети граничниот премин Богородица, каде што се сретна со раководството и разговараше со полициските службеници.
„Изминатиов период овие професионалци неуморно и посветено работеа за камионскиот транспорт да не запре, да не се затворат маркетите и граѓаните да ги имаат сите потребни продукти за нормално функционирање на животот. Со својот труд, ангажман и посветеност тука и на сите други премини униформираната полиција го даде својот придонес пандемијата да нема влијание врз реалниот живот“, нагласува министерот.
Тој упати благодарност за ангажманот и посветеноста за сите вработени во МВР, но и за професионалните возачи за исклучителниот ангажман во надминување на кризата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
